División de Honra de Rugby 2007-2008

División de Honra de Rugby 2007-2008

Tipo	División de Honra de Rugby
Organizador	Federación Española de Rugby
Número de participantes	10
Localización  e  Datas
País	España
Período de tempo	tempada 2007-2008
Competición
Primeiro posto	Club de Rugby El Salvador

A tempada 2007-2008 da Liga Española de rugby (División de Honor de Rugby) foi a edición número 41 da máxima categoría do rugby en España. A fase regular comezou o 7 de outubro do 2007, e durante as 18 xornadas da competición enfrontou entre si ós 10 equipos que compoñen a liga, ata o 6 de abril do 2008, data na que rematou o campionato, coa vitoria final de Club de Rugby El Salvador por sexta vez na súa historia.

O Club de Rugby El Salvador era o defensor do título logrado na anterior tempada, co cal este ano se converteu en bicampión. Os dous novos equipos na categoría foron dous antigos campións, o Club Alcobendas Rugby e o Club de Rugby Ciencias, que ocuparon os lugares de Club de Rugby Cisneros e Club de Rugby Liceo Francés, ámbolos dous de Madrid.

Equipos

Equipo	Estadio	Cidade
FC Barcelona	Estadio da Foixarda	Barcelona
CRC Madrid	Valle de las Cañas	Madrid
Club de Rugby El Salvador	Campos de Pepe Rojo	Valladolid
Club de Rugby Ciencias	La Cartuja	Sevilla
Getxo Rugby Taldea	Campo de Urbieta	Getxo
Ordizia Rugby Elkartea	Fernando Trevijano	Ordizia
Club Alcobendas Rugby	Campo de las Terrazas	Alcobendas
Bera Bera Rugby Taldea	Miniestadio de Anoeta	Donostia
Valladolid RAC	Campos de Pepe Rojo	Valladolid
UE Santboiana	Baldiri Aleu	Sant Boi de Llobregat

Clasificación

División de Honra — Tempada 2007/08
Posto	Equipo	Puntos	Xogados	Gañ.	Emp.	Per.	Bonus
1	CR El Salvador	68	18	14	0	4	12
2	CR Ciencias	60	18	12	0	6	12
3	CRC Madrid	58	18	12	0	6	10
4	VRAC	46	18	9	0	9	10
5	Getxo RT	42	18	9	0	9	6
6	Ordizia RE	39	18	8	0	10	7
7	Bera Bera RT	38	18	7	1	10	8
8	UE Santboiana	37	18	8	0	10	5
9	C Alcobendas R	35	18	7	0	11	7
10	FC Barcelona	19	18	3	1	14	9
A vitoria vale 4 puntos e o empate 2. Os bonus, dun punto cada un, danse por conseguir 4 ensaios ou máis, e por perder por 7 puntos ou menos. <<<< 2006/07 — Tempadas — 2008/09 >>>> En azul      o campión de liga (1º). En vermello      as posicións de descenso directo (9º e 10º).

Datos finais do campionato:

• El Salvador conseguiu o campionato nacional de liga, con 68 puntos en 18 xornadas. Foi o 6º título de liga para o club.
• Os dous últimos clasificados, Alcobendas e Barcelona, descenderon de categoría ó remate da tempada.
• O zagueiro español César Sempere, do CRC Madrid, liderou a táboa de ensaiadores da liga, con 15 ensaios.
• O apertura hispano-arxentino Martín Jeremías Palumbo, do Getxo RT, rematou a tempada como máximo anotador con 370 puntos.
• Os equipos Club de Rugby La Vila e Club de Rugby Les Abelles, da División de Honra B, acadaron o ascenso para competir na tempada 2008-09 na División de Honra.

Véxase tamén

Outros artigos

• Heineken Cup 2007-08

Ligazóns externas

• http://www.ferugby.com